Friendzone

11/24/2012 12:44 AM 

Friendzone. 

Isa sa mga nausong salita ngayong taon. Una itong lumabas sa palabas ng MTV, pero mas pumatok ito sa mga Pinoy noong ipinakilala ito sa lengwaheng local ni Ramon Bautista.

www.mtv.com

Teka, bakit nga ba naging minsan ay trending ito? At ano ba ang ibig sabihin nito?

Ayon sa definition ng best friend ng sinumang salat ang kaalaman na itatago ko sa pangalang “Wikipedia,”

In popular culture, the "friend zone" refers to a platonic relationship where one person wishes to enter into a romantic relationship, while the other does not. It is generally considered to be an undesirable situation by the lovelorn person. Once the friend zone is established, it is said to be difficult to move beyond that point in a relationship.**

Sa depinisyon naman ng librong Bakit Hindi Ka Crush Ng Crush Mo? ni Ramon Bautista, “FRIENDZONE is the new BASTED.” Ibig sabihin? Ito ang baging termino kapag ikaw ay tnirundown ng iyong nililigawan, lalo na kapag sinabihan ka na “hanggang friends lang tayo e.”

In short, kapag sinabihan kang na-FRIENDZONE ka, eh ni-reject ka! Basted, ika nga.

So, trigger factor ba ito para maging EMO ang isang tao?

Depende, kung kaya mong i-take ang ganitong sitwasyon. Pero dapat lang din na tanggapin mo kung ganun. Lahat naman tayo ay nakakaranas ng rejection sa buhay e. Oo, kahit sa pag-ibig pa ang kaso.

May mga senyales naman kung paano mo malalaman na na-Friendzone ka e. Parang nabasted lang. ito, dalawang bagay lang:

• Una, pumunta kas a formspring ni Ramon Bautista at magbackread ka sa mga Q&A na may kinalaman sa salitang “friendzone.”

• Pangalawa, manood ka ng Tales From The Friendzone sa channel ni RA Rivera sa YouTube.

• At kung gusto mo pa ng extra tip… aba, demanding ka? Haha! ‘de, ito lang – bumili ka ng libro ni Prof RB na Bakit Hindi Ka Crush Ng Crush Mo? at syempre, basahin mo iyan.

Diyan mo malalaman ang mga solusyon sa nga hinaing ng mga tao na ukol sa… well, FRIENDZONE.

Kung hindi mo pa ma-gets yan, ewan ko na lang. Para kang yung babae na frinendzone ako ng hindi niya nalalaman. Parang… ito:

Siya: Slick, ano yung FRIENDZONE?Ako: Yung ni-reject mo yung taong nililigawan mo at sinabing “hanggang magkaibigan lang tayo e.”Siya: Huh? Di ko magets, slick.Ako: Bagong termino yan sa tinatawag na BASTED.Siya: Huh?! Di ko pa rin magets. Nangyari ba ‘to sa iyo?Ako: OO! GINAWA MO NGA YAN SA AKIN E!!! :-( (with matching feelings, of course.)

O, ano? Alam mo na? All together now. (Sabay nagplay ang kantang “Kaibigan Lang Pala” ni Jaramie) “Kaibigan lang pala, kaibigan lang pala. Napawi ang aking pangangamba, aking nadarama, ngayon’y pag-asa na, pagka’t siya ay kaibigan lang pala… HIGHER TONE, PLEASE! HAHAHA!

**sources: http://en.wikipedia.org/wiki/Friend_zone; Bakit Hindi Ka Crush Ng Crush Mo?; authored by Ramon Bautista, published 2012 at PSICOM.

Author: slickmaster | © 2012 september twenty-eight productions

Just My Opinion: Teen Pregnant Dolls on the loose?

Isang pasada lang sa isa sa mga naglabasang balita nitong mga nakaraang araw lang. Bagay na naka-agaw ng atensyon ko noong nakikinig ako sa isang programa sa isang istasyon ng radio nitong Biyernes ng umaga lamang.

Kamakailan ay naglabas ng matinding reaksyon ang National Youth Commission ukol sa isang laruan na hindi dapat ipinalabas sa merkado – ang manikang buntis na kung tawagin ay si Midge (ayon sa artikulo ng Manila Bulletin).

Aniya, isa raw itong masamang impluwensya sa merkado at sa mga mamimili. Sa isang eksklusibong ulat ni Jing Casatañeda ng newscast sa ABS-CBN na TV Patrol, may mga masamang mensahe na ipinapahiwatig ito sa sinumang tatangkilik nito.

Hmm.... teen pregnant dolls? Ano ‘to, panibagong pakulo ng mga negosyante? Agad ko itong hinanap sa internet, na-curious sa mga balita, at ultimo ang blog ng nanay-nanayan namin sa DF blog na itatago ko, este, sorry... ang pangalan pala niya ay mommyjoyce ay may take dito.

Bagay na sasang-ayon din ako kahit hindi ako taga-tangkilik ng mga anumang klase ng laruan sa ngayon.

Kung tutuusin, isa ito sa mga matitimbang na halimbawa sa isang totoong kasabihan na hindi lahat ng mga patok na bagay sa ngayon ay may katuturan o tama para sa ating kamalayan.

Mabenta nga siya, lalo na ngayong darating na ang Kapaskuhan. Pero tila may dala itong masamang impluwensya, lalo na sa panahon ngayon na ang daming mga bata ang nabubuntis sa murang edad lamang.

At sa halagang P120 para sa isang Teenage Pregnant beautiful? ‘Tol, nagugutom na ang anak mo, iyan pa ang nagawa mong atupagin?

Sabagay, kakaiba nga e. Ika nga ni Castañeda, mabentang-mabenta ngayon  na pang-regalo ang yung mga kakaiba. Well, tulad nung manyikang iyun.

At kung iko-quote ko ang blog ni naymj, sinusukukan lamang nito na i-raise ang awareness ang mga kabataan sa ganitong suliranin na buntisan sa murang edad. Social commentary ba.

Ah.. ganun? Sabgay, marami rin kasi sa kanila ang sabak lang ng sabak sa sex, pero pag nagkaaberya... ay, naloka na.

At oo nga pala, “laruan” lang pala ito no?

Ahh... laruan lang pala e. Pero alalahanin mo, na ang isa sa mga matitinding bagay na nakakapagpaimpluwensya sa isang bata ay ang mga laruan. Kaya ‘wag mo lang na ila-“lang” yan.

Pero still, hindi pa rin magandang ideya e.

Sources:

1 http://www.abs-cbnnews.com/video/lifestyle/11/22/12/excl-youth-commission-wants-'preggy-dolls'-recalled

2 http://definitelyfilipino.com/blog/2012/11/23/mga-manyikang-buntis-in-ba-or-out/

3 http://www.mb.com.ph/articles/382673/nyc-alarmed-over-proliferation-of-preggy-dolls#.ULA_4ORQHdQ

11:29 a.m. 11/24/2012

Author: slick master | (c) 2012 september twenty-eight productions

Thanksgiving day sa Pinas?!

Isang maikling patutsada lang po, ano?

Thanksgiving day. Isa sa mga pinakainaalalang mga holiday sa Estados Unidos. Ipinagdiriwang ito sa ika-apat na huwebes ng buwan ng Nobyembre. Sa kasalukuyang taon, ito ay tinakda sa a-22 ng Nobyembre.

Nagsimula ito sa panahon ni Henry VIII. Ito AT sa US naman, naging kaugalian na nila ang araw na ito mula pa noong 1621.

Kung paniniwalaan ang Wikipedia, ito ay ang araw ng pasasalamat sa kanilang mga relihiyosong aktibidades.

Una ko lang ito napapansin sa kada coverage ng NBA game sa cable namin. Sabagay, tradisyon nay an para sa kanila.

Pero... thanksgiving sa ‘Pinas? What?!

Hindi sa pambabasag ng trip ha. Alam ko na marami na ang namumuhay sa ibang bansa, at maraming kumpanya ang nagse-celebrate ng mga araw na tulad ng Thanksgiving. Pero... ano ‘to, na-impluwensyahan na naman tayo ng westernization? Na dumarating sa punto na ang sinumang nagtatrabaho ngayon ay kailangan na umorder ng turkey para lang ipagdiwang ito?

Hindi na bago ang ganitong senaryo sa atin, kaya nga mula pa noon nauso ang mga tulad ng Valentines Day at Halloween, ‘di ba?

Hindi naman siguro sa ganun. Kasi choice naman natin na magcelebrate niyan e.

At sa totoo lang, walang masama kung magkaroon ng tinatawag na “thanksgiving day” sa Pilipinas, pero mas okay na sana kung ito ay  sa sarili nating pamamaraan ito ise-celebrate. Anong ibig sabihin? Kung sa Kano, may turkey, sa atin... well, dapat iba naman, yung tipong sariling atin naman. Parang twing kada holiday na lang kasi palagi e sumusunod tayo sa agos ng mga Kanluranin. Wala na tayong sariling pagkakakilanlan pagdating sa mga ganitong araw.

Ngayon, kung anu-ano ang mga iyan? Maliban sa dasal na mula e... diskarte na ng bawat Pinoy yan, total relihiyoso naman ang akramihan e.

At oo nga pala, ang akto ng pasasalamat ay isinasapuso ha? Hindi lang tini-tweet. ‘wag maging hipokrito, ayaw ng nasa taas iyan.

At sa totoo lang, hindi natin kailangan ng thanksgiving day para lang magpaalala na magpasalamat tayo sa Dakilang Maylikha. Kung pwede nga lang, dapat kada-araw ito ginagawa e.

10:12 pm 11/22/2012

Author: slickmaster | (c) 2012 september twenty-eight productions

Source: http://en.wikipedia.org/wiki/Thanksgiving

10 signs of an EPAL-ITIKO, (as seen on T3’s ANLABO NIYO!)

Ang blog na ito ay may halaw na mga konspeto at konteksto mula sa isang Anlabo Niyo segment na umere sa Nobyembre 5, 2012 na episode ng palabas na T3 sa TV5.

Nalalapit na ang eleksyon, dumarami na naman ang mga manliligaw sa bawat puso at isipan ng bawat botante. Pero, ang iilan naman sa mga ito ay tila walang delikadesa. Parang hindi yata nabasa ng mga ito ang tinatawag na Omnibus Election Code o hindi sila aware kung kelan ang campaigning period o ang panahon para pormal na magpakilala sa kanilang mga liligawan.

Kung si Mr. BITAG Ben Tulfo ang susundin, narito ang sampung bagong gimik ng mga epalitiko na nakunan ng palabas na T3.

Well, ano ang 10 tips na ito para maisapatan ang pulitko. As in ispatan lamang ang 10 bagay na... well, bagong gimik nila.

#10 – Mga sumasakay sa HAPPY FIESTA na mga tarpaulin, o kung ano pa man na pagbati iyan.Ito ang pinakatradisyonal sa lahat. Kumbaga sa plaka, sira na ‘to at sobrang gasgas! At ito ang pinakatumpak na halimbawa ng “riding the bandwagon… political style.”

#9 – Mga libreng school supplies, gaya ng notebook, lapis, at bag. Teka, matanong lang, sa inyo ba talaga nanggaling yan o sa budget ng bayang pinaglilingkuran niyo? Yung naka-allot na para sa edukasyon ng mga bata dun? Kasi kung yun ang sagot, ay… hindi po tama yan. Pera pala naming yan, ‘wag niyong angkinin! Lalo na kung mas malaki pa pala ang size ng mukha n’yo kesa sa litrato ng estudyante mismo sa kada ID ng mga ito. Sino ba talaga gagamit niyan?

#8 – Mga libreng gamot. Serbisyo pangginhawa ba, o pampastress lalo, kagaya ng sinabi ng voice-over?

#7 – Dextrose.  Aba, pambihira naman iyan! Nakatapal ang muka ng congresswoman?

#6 – Mga sasakyan, mula sa mga pangserbisyo ng gobyerno kagaya ng ambulansya, hanggang sa mga pampasaherong sasakyan tulad ng bus, at kahit ultimo ang mga tricycle at… pedicab! Ano, tara, sakay na! (Parang tunog lang ng dating TV commercial na SuperFerry ‘to ha.)

#5 – Basurahan.Kung amoy kampanya lang naman ang usapan, e di… tapon na nga ‘tong mga epal na ‘to. Pambihira, pati naman basurahan papatusin niyo?

#4 – Kape, lalo na yung mga tulad ng 3-in-1 mix. Ang dami nang kakumpetisyon nito sa merkado, goodluck sa stratehiya mong yan, Congressman.

#3 – Mga palaman tulad ng peanut butter. Para sa mala-epal na palaman at epal na panlasa. Ay, bawal kami dyan. Hindi ako kumakain ng masamang damo… este, palaman sa tinapay e.

#2 – Award trophy.Sa isang award trophy na para sa mga guro, may nakatapal na sirkuladong pigura na may mukha ni Mayora. Teka, sino ba ang nanalo, yung mga guro o si Mayora? Labo.

#1 – Kornik, at hand sanitizer. Pag kumain ka nito, iboboto mo si Congressman. At hindi iyan corny ha? Maghugas ka na rin ng kamay gamit ang sanitizer niya? (sabay turo sa… well, hand sanitizer na may mukha ng pulitiko.) Literal, HUGAS-KAMAY.

Ito naman ang akin. Yung nasa #10, since time in memorial pa andyan yan e, pati na rin yung mga nasa #s 9 at 6. Pero the rest? Bago sa paningin ko ha. Sabagay, may mga produkto talaga na ginagawang taktika pagdating ng pangangampanya.

Kung maalala ko, di ba dapat ibinibigay lang ang mga ito kapag panahon na ng pangangampanya? Hindi pa naman panahon ito para sa pagpapansin nila ha?

Well… ganun talaga… pero…

ANG LABO NIYO! Kaya nga dapat siguro ipasa na ang Anti-EPAL bill ni Senator Miriam Defensor-Santiago, dahil pumapapel na naman ang mga kenkoy ng wala naman sa tamang hulog.

Panoorin ng buo sa video na ito. (Courtesy:http://www.youtube.com/user/news5philippines)

8:50 p.m. 11/21/2012

Author: slick master | © 2012 september twenty-eight productions.

KKK (Kapabayaan, Kamangmangan, at Katangahan)

11/21/2012 01:20 AM 

Tama si dating Land Transportation Office (LTO) chief Alberto Suansing na 3 bagay ang kailangan ng tao para makaiwas sa mga sakuna sa kalye, lalo na yung mga sumasakay at nagmamaneho ng motorsiklo. Anu-ano ang mga ito? Disiplina, respeto at kurtesiya (o courtesy). 

Kung sa news item na binalita ni Shalala yan sa kanyang programa na Todo Bigay noong madaling araw ng Miyerkules, a-21 ng Nobyembre, taong 2012, ito ay pag-iwas sa Kapabayaan, Kamangmangan at Katangahan.

Tunog Katipunan a la “KKK” ba?

Actually, tama lang din e. Sino ba naman ang hindi mababahala o ni mauurat man lang sa mga balita na laging nagkakaroon ng aksidente sa daan?

At sa totoo lang, hindi lang sa kaso ng motorcycle-related and road accidents ito applicable. Maging sa pangakalahatan na aspeto ng buhay natin sa kasalukuyan. Oo lalo na ngayon, na usong-uso ang anumang kalokohan at kababawan sa lipunang ito, na repleksyon ng mundo sa pangkalahatan na aspeto.

Kapabayaan. Sa konteksto kasi ng aksidente sa kalye, marami ang mga harabas kung magmaneho, kaya laging nagkakaroon ng kaso na "reckless imprudence" eh. 

Isa pa - Maraming tao ang nagiging iresponsable sa kanilang ginagawa, mula sa trabaho, sa relasyon, sa mga sitwasyon na kinakailangan ng agarang lunas at aksyon, at ultimo pagdating sa sex. Isa sa mga pinakamalala at pinakamalaking kasalanan na nagagawa ng tao. Nang dahil sa kapabayaan, maraming bagay ang nasisira, buhay na napupunta sa alanganin, at kung mamalas-malasin pa – namamatay. Kaya, maging maingat sa mga kilos na ginagalawan.

Kamangmangan. Sa dami rin kasi ng motorista, hindi nila alam ang mga traffic signs, kung ano ang gagawin mo pag nag-dilaw na ang traffic light, at kung anu-ano pa. E teka, bakit nbga ba nagkaroon ng prebilehiyo ang mga bwakananginang mga mokong at lokang ito na magkaroon ng lisensya para magmaneho? Pambihira naman oh. 

Kamangmangan... oo, dapat iwas-iwasan na natin ang pagpapahalata na salat tayo sa kaalaman, maliban na lang kung talagang hindi mo alam ang gagawin. Ika nga ng kasabihan, “ignorance of the law excuses no one.” Ibig sabihin? Kahit sinong tao na mahina ang kukote pa yan, walang lusot pagdating sa batas. 

At lalo na sa panahon ng internet na mas pipiliin pa yata ng mga bata ang mag-dota o magbrowse sa internet sa umaga kesa sa mag-almusal at pumasok sa eskwela. Ika nga ni Lourd de Veyra sa klanyang congratulatory speech na dineliver nya para sa mga graduates ng UP Diliman noong Abril 22 nitong taon lang, “BAWAL MAGING TANGA. Nagtatampisaw tayo sa baha ng impormasyon.” At ito pa, “Sa mundong umaapaw sa datos, wala na tayong excuse maging mangmang.” 

Kung panay tanong ka na lang palagi dyan ng tanong pero wala ka namnag ginagawang hakbang pagakatapos, ito na lang ang tanging sagot naming dyan: IGMG. Ano ‘yan? I-Google Mo, GAGO! (Pero ‘wag magagalit kagad, kasama kasi talaga yan sa kanyang graduation speech at yan ang kahulugan ng acronym na iyan)

Katangahan. Kailangan pa bang i-memorize... este, i-esplika yan? Basic road safety at courtesy lang. Kung maiba naman ang usapan, eh... ‘tol, matanda na tayo. Alam na natin ang tama sa mali. 

Kung tutuusin nga, dapat self-explanatory na nga ito e. at kahit pa sa numero unong paksa ng usapan – ang pag-ibig. Sa totoo lang, hindi ako ganap na nainiwala na nagiging tanga ang isang tao pagdating sa pag-ibig. 

At pwede ba, huwag niyong isisi sa pag-ibig ang anumang kagaguhang nagawa mo? Nanahimik ang malinis na reputasyon nito oh, sipain kita diyan e. At oo nga pala, ito pa - hindi porket uso ang katanagahn e makikiuso ka na rin.

Hindi sa pagiging perfectionista ha? Ito lang kasi ang hirap diyan e, ika nga ni de Veyra, “iba ang impormasyon sa karunugan – ganap na talino at dunong.”

Pero sa kabilang banda, hindi na po uso ang dahilan na parang kanta lang ni Marlon Loonie Peroramas – Tao lang. Alam ko nagkakamali tayo ng ilang beses sa ating buhay, pero ika nga rin ng isang kasabihan, minsan ka magkamali ay ayos lang, pero kapag umulit ka pa sa parehong pagkakamali, e kapabayaan na, kamangmangan at kanatangan na iyan sa parte mo. Hindi mo kailangang magpakadalubhasa para at elast ma-minimize mo ang kasablayan mo sa buhay, ang pinakakailangan mo lang ay ang tinatawag na “sentido kumon.” Kung ‘di mo magets, nasa common sense lang yan.

Sources:

http://www.abs-cbnnews.com/nation/metro-manila/11/18/12/ex-lto-chief-proposes-road-safety-measures

http://www.interaksyon.com/article/30190/lourd-de-veyras-graduation-speech-for-up-masscomm-class-of-2012

Author: slickmaster | © 2012 september twenty-eight productions

My PICK #8 - AMALAYER STYLE.

Here’s something that I spotted over the week, and… yes, at the height of that scandalous moment where a young lady was caught in the act by an allegedly a citizen journalist humiliating a lady guard.

More than a video that gave her 60 seconds of fame (or shame). Here’s a mash-up parody track made by a certain DJBrianCua of the music streaming website SoundCloud.

The audio parts were derived from the original video regarding that AMALAYER incident, and from the very best hit of 2012 – Psy’s Gangnam Style.

I first saw this track from one of the tweets of a TV director/critic named Jose Javier Reyes last week.

All I can say is… what the hell. DOPE, and perfect timing then. It was at the height of that trending worldwide moment of AMALAYER.

So far, it has more than 41,000 times on its playing counter, 46 people have spoken regarding the said track, and 41 times favored.

Maybe that can help you move away from the novelty stuff, and at least… can take a joke.

By the way, you can download the track via http://soundcloud.com/djbriancua/amalayer-style

08:00 p.m. 11/19/2012

Author: slick master | © 2012 september twenty-eight productions

Silang mga KENKOY.

“Hoy, hoy, hoy! Mister Kenkoy, bakit ka nangangamoy? Hoy, hoy, hoy, Mister Kenkoy! Ikaw ay nangangamoy kenkoy!”

Ang nasabing linya ay halaw mula sa (circa) 1976 na kanta ni Mike Hanopol - ang “Mr. Kenkoy.” Lumabas ito sa kanyang iba’t ibang mga compilation of hits album.

Isang kanta na sumasalamin sa kabulukan ng isang tao sa kanyang lipunang ginagalawan. Halaw sa impluwensya ng isang komikal na tauhan sa pahayagan ang salitang “Kenkoy.”

Unang lumabas ang salitang ito bilang monicker ng isang cartoon character na nilikha nila Romualdo Ramos, isang batikang manunulat at ng isang cartoonist na si Antonio “Tony”  Velasquez noong 1929 na nagngangala’y Francisco “Kenkoy” Harabas, at tinaguriang unang tunay na pop icon ng Pilipino. Ang ibig sabihin ng naturang salita ay isang nakakatawang tao, as in “joker” o “jester” ba.

Pero hindi lang sa patawa ang pinakapatutsada ng antigong kanta na ito, dahil kung maalala niyo ang panahon ng dekada ’70, ito ay ang panahon na nagsisilabasan ang mga mga palabas at kanta na may mala-pulitikang tema. Isa ang Mr. Kenkoy sa mga ito, at makikita ito sa lyrics niya.

At mapahanggang ngayon, applicable pa rin ang kantang ito. Dahil marami pa rin ang mga umaastang kenkoy sa lipunang ito. Siya, ako, ikaw, tayong lahat (maliban na lang kung ikaw ay likas na malinis ang budhi at sadyang napakaseryosong tao). Pero matinong usapan ba? Marami diyan.

Mula sa mga nagpapakatanga sa mainstream para lang sumikat; mga pulitikong mandarambong; mga mababango ang dila pero ang babaho naman ng mga motibo sa buhay; mga nagtatago ng kanya-kanyang mga kagaguhang nagawa sa kapwa man at/o sa lipunan, ke isa kang ordinaryong nilalang o kilala sa lipunang ginagalawan; mga nasobrahan sa pagtakas sa problema ng kanyang realidad; mga nasobrahan sa pakapalan ng mukha; mga nasobrahan sa kaalalaman; mga backstabber, hipokrito’t epal at kung anu-ano pang mga kabullshitang nagaganap sa ngayon, isama mo na dyan ang gumagawa ng mga lata-na-hangin-lang-ang-laman sa mainstream.

Pero mas patama ito sa mga nangyayari sa pulitika e. Hindi na kailangang ipaliwanag, andyan na nga sila sa mga papoging streamer nila pati na rin sa mga headlines ng pambalitaan. Hindi pa ba sapat iyun?

Ay, ewan. Basta, sila… kenkoy. Ito na lang ang sa kanila. (sabay pinatugtog ang kantang Mr. Kenkoy ni Mike Hanopol, sabay nasa full volume pagdating sa chours)

“Hoy, hoy, hoy! Mister Kenkoy, bakit ka ngangamoy? Hoy, hoy, hoy, Mister Kenkoy! Ikaw ay nangangamoy kenkoy!”

Tamaan nga naman sana ng lintik ang mga ‘to para matuahan, ano?

P.S. Pasalamat nga ako sa kantang ito dahil dito ko nalaman ang salitang “switik.”

11/19/2012, 09:57 a.m.

Sources:

http://en.wikipedia.org/wiki/Kenkoy

http://www.lyricskoto.com/lyrics.php?sid=921

http://www.mymusicstore.com.ph/music/mike-hanopol/418175/Mr.-Kenkoy.html

Author: slickmaster | © 2012 september twenty-eight productions