10 signs of an EPAL-ITIKO, (as seen on T3’s ANLABO NIYO!)

Ang blog na ito ay may halaw na mga konspeto at konteksto mula sa isang Anlabo Niyo segment na umere sa Nobyembre 5, 2012 na episode ng palabas na T3 sa TV5.

Nalalapit na ang eleksyon, dumarami na naman ang mga manliligaw sa bawat puso at isipan ng bawat botante. Pero, ang iilan naman sa mga ito ay tila walang delikadesa. Parang hindi yata nabasa ng mga ito ang tinatawag na Omnibus Election Code o hindi sila aware kung kelan ang campaigning period o ang panahon para pormal na magpakilala sa kanilang mga liligawan.

Kung si Mr. BITAG Ben Tulfo ang susundin, narito ang sampung bagong gimik ng mga epalitiko na nakunan ng palabas na T3.

Well, ano ang 10 tips na ito para maisapatan ang pulitko. As in ispatan lamang ang 10 bagay na... well, bagong gimik nila.

#10 – Mga sumasakay sa HAPPY FIESTA na mga tarpaulin, o kung ano pa man na pagbati iyan.Ito ang pinakatradisyonal sa lahat. Kumbaga sa plaka, sira na ‘to at sobrang gasgas! At ito ang pinakatumpak na halimbawa ng “riding the bandwagon… political style.”

#9 – Mga libreng school supplies, gaya ng notebook, lapis, at bag. Teka, matanong lang, sa inyo ba talaga nanggaling yan o sa budget ng bayang pinaglilingkuran niyo? Yung naka-allot na para sa edukasyon ng mga bata dun? Kasi kung yun ang sagot, ay… hindi po tama yan. Pera pala naming yan, ‘wag niyong angkinin! Lalo na kung mas malaki pa pala ang size ng mukha n’yo kesa sa litrato ng estudyante mismo sa kada ID ng mga ito. Sino ba talaga gagamit niyan?

#8 – Mga libreng gamot. Serbisyo pangginhawa ba, o pampastress lalo, kagaya ng sinabi ng voice-over?

#7 – Dextrose.  Aba, pambihira naman iyan! Nakatapal ang muka ng congresswoman?

#6 – Mga sasakyan, mula sa mga pangserbisyo ng gobyerno kagaya ng ambulansya, hanggang sa mga pampasaherong sasakyan tulad ng bus, at kahit ultimo ang mga tricycle at… pedicab! Ano, tara, sakay na! (Parang tunog lang ng dating TV commercial na SuperFerry ‘to ha.)

#5 – Basurahan.Kung amoy kampanya lang naman ang usapan, e di… tapon na nga ‘tong mga epal na ‘to. Pambihira, pati naman basurahan papatusin niyo?

#4 – Kape, lalo na yung mga tulad ng 3-in-1 mix. Ang dami nang kakumpetisyon nito sa merkado, goodluck sa stratehiya mong yan, Congressman.

#3 – Mga palaman tulad ng peanut butter. Para sa mala-epal na palaman at epal na panlasa. Ay, bawal kami dyan. Hindi ako kumakain ng masamang damo… este, palaman sa tinapay e.

#2 – Award trophy.Sa isang award trophy na para sa mga guro, may nakatapal na sirkuladong pigura na may mukha ni Mayora. Teka, sino ba ang nanalo, yung mga guro o si Mayora? Labo.

#1 – Kornik, at hand sanitizer. Pag kumain ka nito, iboboto mo si Congressman. At hindi iyan corny ha? Maghugas ka na rin ng kamay gamit ang sanitizer niya? (sabay turo sa… well, hand sanitizer na may mukha ng pulitiko.) Literal, HUGAS-KAMAY.

Ito naman ang akin. Yung nasa #10, since time in memorial pa andyan yan e, pati na rin yung mga nasa #s 9 at 6. Pero the rest? Bago sa paningin ko ha. Sabagay, may mga produkto talaga na ginagawang taktika pagdating ng pangangampanya.

Kung maalala ko, di ba dapat ibinibigay lang ang mga ito kapag panahon na ng pangangampanya? Hindi pa naman panahon ito para sa pagpapansin nila ha?

Well… ganun talaga… pero…

ANG LABO NIYO! Kaya nga dapat siguro ipasa na ang Anti-EPAL bill ni Senator Miriam Defensor-Santiago, dahil pumapapel na naman ang mga kenkoy ng wala naman sa tamang hulog.

Panoorin ng buo sa video na ito. (Courtesy:http://www.youtube.com/user/news5philippines)

8:50 p.m. 11/21/2012

Author: slick master | © 2012 september twenty-eight productions.

EPAL.

Epal. Isang salita na tumutukoy sa taong pagiging mapapel, yung mga sobrang papansin, at laging nakikisale(?).

Uso na naman ang salitang “epal.” Aba, parang noong bata ako, isa ito sa mga salita namin sa asaran ah. Pero bakit nga ba nauuso ito ulit?

Ikaw ba naman ang isa sa milyun-milyon na mga taong nagbabayad ng buwis dito sa Pilipinas e. At saan nga ba napupunta ang buwis mo? THIS IS WHERE YOUR TAXES GO! *sabay turo sa tarpaulin ng isang pultiko* Ayos ba?

Ilang beses na itong inalmahan ngayong taon. Mayroon pa nga iba dyan, ang ganda ng billboard pero nakasampa sa kawad ng kuryente. Aba, kung hindi ba naman delikado iyan? At meron nga dyan, ang ganda-ganda ng pagkalay-out niyan, pero ang pangit naman ng proyektong nagawa. At kung mamalas-malasin pa, over-due na sa deadline o target date ang proyekto pero hindi pa rin natatapos. ANYARE? Asan na ang buwis na binabayad ng taumbayan, mga nakaka-buwis-it, este, bwisit kayo ha?

Isang buwan ang nakalipas, noong panahon na sinalanta ang Kalakhang Maynila ng hanging Habagat, naglabasan ang mga relief goods na may brand – at ang brand nay un ay dalawang bagay lang: (1) pangalan ng pultiko, o (2) mukha niya. Aba, may nauso pa ngang bigas nun na ipinangalan sa isang pulitko ha. Teka, tumutulong ba talaga kayo o namumulitika na? Hindi pa man ganap na labag sa batas kung sa teknikaliad ang usapan ang ginawang tila pangangampanya ng mga ito, pero mga sir, ilagay naman sana natin sa lugar ang ganyan, ano po?

Noong namatay si DILG Secretary Jessie Robredo, umaapaw ang simpatya ng mga personalidad mula sa larangan ng pulitka. Pero may isang matinding pinuna ang mga netizens sa mga social networking sites. Ang pagtapal, este, paglagay daw ng pangalan at posisyon ng isang tao dyan sa Quezon City sa bandang ibaba ng larawan ng pakikiramay sa namayapang DILG secretary.

Ilan lang ang mga nabanggit sa mga sitwasyon na mahahalintulad sa “epal.” Kaya siguro maganda na rin na ipasa ang Senate Bill 1967 a.k.a. Act Prohibiting Public Officers from Claiming Credit through Signage Announcing a Public Works Project ni Senator Miriam Defensor-Santiago, o mas kilala bilang “Anti-Epal Bill.” At maraming sumosuporta dito, mula sa ilang mga netizens hanggang sa mga kaparian mula sa Simbahang Katolika ng bansa.

Pero sa isang episode ng palabas na REAKSYON kasama si Luchi Cruz-Valdes na umere na ilang linggo na ang nakakalipas, umalma ang ilang mga pulitiko ukol dito. Sabagay, paano ka nga naman maalala ng mga tao ang pagtulong mo? Pero ang dating kasi e, parang may kapalit e. At ayon sa OMNIBUS ELECTION CODE…

Sec. 80. Election campaign or partisan political activity outside campaign period. - It shall be unlawful for any person, whether or not a voter or candidate, or for any party, or association of persons, to engage in an election campaign or partisan political activity except during the campaign period.

Ano ang ibig sabihin nito? BAWAL MANGAMPANYA pag hindi pa panahon ng pangangampanya. Ganun kasimple.


Hmmm…. Sa tingin ko, dapat talaga maipasa iyan. Nang matigil-tigil na ang pagiging mapapel ng mga nasa lokal na gobyerno. Ang pangulo nga natin ngayon, hindi ginagawa iyan e. Noong nakaraang administrasyon, oo sa kada imprastraktura na proyekto ng DPWH. Gawa muna bago salita. Makikilala ka naman ng tao kahit ano ang gawin mo e, pero mas maganda kung sa mga proyekto mo, hindi mo ipapangalandakan ang pangalan at mukha mo dahil kaming mga mamayan ang nagbabayad niyan. Pera ng bayan yan kahit ang ilan sa amin na hindi lehitimong taxpayer, e sa mga seribsyong may VAT naman tumatangkilik (which means, nagbabayan pa rin dahil Value-Added Tax yun. At ano ang TAX pala, aber?)

Kahit papaano ay may kabuluhan pala ang batas na ito, ganun? Sige, ipasa na yang Anti-EPAL bill na iyan!

09/14/2012
10:50 a.m.
Author: slickmaster

Source:
http://newsinfo.inquirer.net/tag/anti-epal-bill
http://www.comelec.gov.ph/?r=laws/OmnibusElectionCode/OECArt10

© 2012 september twenty-eight productions