Pabiling VIP Ticket!

5/23/2014 6:06:50 PM

Isa sa mga naglalagablab na headlines nitong nakaraang Biyernes ay ang pagiging mabenta ng mga VIP tickets ng konsyerto ng European boy band na One Direction sa ating bansa sa susunod na taon.

Oo, sa sobrang mabenta niya, marami na namang umalma dahil naubusan sila. Partida, nagpa-morningnan pa sila.

Well, ano pang aasahan mo? What can you expect? Eh sa totoo lang, pagdating sa mga bigating event, lokal man o international ang mga tampok na magsisiganap, ay talaga namang nagkakaroon ng mga ganitong senaryo? Bakit kamo? Simple lang: malawak ang fan base eh. Ibig sabihin, maraming taga-suporta.

At walang masama dun. Este, sorry, wala sanang masama dun.

Bakit may sana. Ito ang problema eh: kung tutuusin, walang kasalanan ang mga organizer o ang artista mismo, kahit makipag-argumento ka pa ukol sa pagkakakilanlan nila. Kung may mga “may saltik” sa sitawasyong yun, mga fans na yun.

Hindi dahil sa demographics nila (na obviously, karamihan ay mga babaeng tinedyer),kundi dahil sa mga ugali nila pag nagpa-“fan mode” sila. Kung aayon ka sa mga ulat, tulad na lamang ng, ugh, paborito kong newscast na “The World Tonight,” karamihan sa kanila ay ganito ang ginawa:

• Biyernes pa ang pilahan, pero Huwebes ng umaga ay nakapila na sila. 

• Minsan lang nagkasingitan sa pila, kaso sunod-sunod na ang singitang naganap pagkatapos ng nauna.

Alam ko, walang masama sa pagiging masugid na tagahanga. Kaso sabihin n’yo nga sa akin kung tama ba ung mga nabanggit na gawain d’yan, patikular na yung pangalawa.

Yung una kasi, medyo considerate pa eh. Yun nga lang, sasayangin mo ang isang araw mo kakahintay kung sana ay nagpapakamatakaw ka na lang tutal malapit nang matapos ang maliligayang araw mo? (Relax, hindi kamatayan ang tinutukoy ko, kundi katapusan lang naman ng iyong summer na bakasyon)

May pera sila eh. Okay, given. Kaso kung nasold-out na, la tayo magawa dyan: huwag ka na lang magngawa sa Facebook at Twitter mo ng sobrang pagakainis sa hindi pagkakuha ng ticket dahil:

• Una, ang dami n’yo (kaya obivously, hindi ka nag-iisa). 

• Pangalawa, walang pakialam ang kalahati ng mundo sa pagbubungisngis mo (naubusan ka ng ticket? Eh ano ngayon?! Ikamamatay mo na ba yan?). 

• Pangatlo, masyadong maikli ang buhay para maging “fan” ka lang. 

• Pang-apat, marami pang options. Hindi mo pa katapusan, tignan mo ngang hindi nagunaw ang mundo eh.

In connection sa pang-apat, dapat nga sa halip ay magpasalamat ka na lang eh. Isipin mo kung gaano mo kamahal ang boy band na idol mo, kaya natuto ka rin kung gano magpahalaga ng pera. Sa ganung kahalaga, igagasta mo para lang sa ilang oras na panunood mo? Matapos ang mahaba-habang panahon na pinag-ipunan mo pera mo. ‘Oy, hindi biro yan ah. Limang digits yan, hija (15 libong piso ata). Baka nga sing-halaga na yan ng isang quarter ng tuition fee mo eh.

Oo, magpasalamat ka na lang din kasi at least, kahit bata ka pa ay nakaipon ka. Buti ka pa nga eh, ‘di tulad ng mga kabaro mo na waldas lang nang waldas ng pera sa pagbubulakbol at pakikipaglandian.

At dahil maraming options naman tulad na lamang ng online selling ng mga iba pang available na ticket, ay kahit papaano ay medyo may pera ka na.  

Author: slickmaster | © 2014 september twenty-eight productions

ALAMAT. (A fan’s tribute to Master Rapper)

10/04/2012 |  12:39 p.m.

(Photo credits: francismagalona.multiply.com and facebook.com/theslickmaster28)

Isang alamat na maituturing. Isa sa mga tao na nakapagpabago ng takbo ng musika sa Pilipinas. Sino ba naman ang hindi makakalimot sa kanyang mga kanta na nagsasalamin sa iba’t ibang mga tema at mensahe? Nakipagsabayan kila Andrew E at sa mga tulad ng bandang Rivermaya at Yano noong Dekada ’90? Ang nakasama nila Ely Buendia ng Eraserheads, ang bandang Greyhounds, Si Chito Miranda at ang kanyang Parokya ni Edgar, ang grupong Death Threat na kinabibilangan ng isa sa kanyang mga nagging kaibigan at tagahanga at ngayon, ay sumusunod sa yapak niya na si Gloc-9?

Hindi matatawaran ang kontribusyon ni Francis Magalona sa indistriya ng musika. Napakalupit lang.
Siya ang nagdala ng musika ng rap at hip hop sa mainstream side ng Pilpinas noong dekada ’90, bagay na panibago sa mata ng mga tao dun dahil ilang taon na pala ito sa bansa noon. At sa isang pambihirang pagkakataon, napagsama niya ang mga genre ng rap at Pinoy rock noong kalagitnaan ng dekada ’90 sa tindi ng mga mensahe na may kinalaman sa pulitika, lipunan, buhay at iba pa. Maliban pa diyan, nabuo nya ang mga bandang Hardware Syndrome. At marami pang mga artista ang sinama sa kanyang mga collaborations, mula kay Joey Ayala, Ryan Cayabyab, Mike Hanopol, Andrew E, Michael V at sa mga bandang Eraserheads, Parokya Ni Edgar, Greyhoundz, rapper na si Gloc-9 at sa iba pang mga pangalan sa OPM, sikat man o pasikat pa lang.

Ilang mga parangal ang nakuha niya mula sa iba’t ibang grupo at ahensya na nagbibigay pagkilala sa musika. Bagay na nagbigay sa kanya ng mataas na respeto sa makabagong kultura na tiula hindi pa ganun katanggap ng karamihan, maliban na lang kung ikaw ay batang ipinanganak noong dekada ’80 at ’90.

Maliban pa diyan, isa rin siyang breakdancer, aktor sa telebisyon at pelikula, host sa Eat Bulaga, naging hurado sa Philippine Idol, direktor ng mga music video, DJ sa istasyon ng radio na 89.1 DMZ, nagging pinakaunang Filipino VJ sa MTV, at naging miyembro pa nga ng That’s Entretainment, at Bagets 2. Astig din pala na maituturing ang naging takbo ng karera nya sa pagharap sa kamera, ano.

Sa tindi ng paghubog niya ng hip-hop sa Pilipinas, maraming pangalan ang nabuo at nakilala mula noon pa man. At marami rin siyang nahubog na mga talento sa nasabing indsutriya tulad nila Marlon “Loonie” Peroramas ng Stick Figgas sa pamamagitan ng isang segment sa Eat Bulaga na Rap Public of the Philippines. Ang tindi lang.

Sa panahon ngayon na iilan na lamang ang mga akda musika na may kahulugan, ang hip-hop na mas nakikita sa mga videos ng rap battle league na FlipTop, mas maganda pa rin ang balikan ang mga nagdaang dekada at sariwain ang alaala ng kalupitan ng musika sa Pinas. At isa sa mga ito, ay hindi makakaila, ang pagra-rap ng isang Francis Magalona. Kahit 3 taon na siya namaalam, at kahit 48 taon na pala siya sa araw na ito.

Sources:

http://en.wikipedia.org/wiki/Pinoy_hip_hop

http://en.wikipedia.org/wiki/Francis_Magalona

Author: slickmaster |  © 2012 september twenty-eight productions