ALAMAT. (A fan’s tribute to Master Rapper)

10/04/2012 |  12:39 p.m.

(Photo credits: francismagalona.multiply.com and facebook.com/theslickmaster28)

Isang alamat na maituturing. Isa sa mga tao na nakapagpabago ng takbo ng musika sa Pilipinas. Sino ba naman ang hindi makakalimot sa kanyang mga kanta na nagsasalamin sa iba’t ibang mga tema at mensahe? Nakipagsabayan kila Andrew E at sa mga tulad ng bandang Rivermaya at Yano noong Dekada ’90? Ang nakasama nila Ely Buendia ng Eraserheads, ang bandang Greyhounds, Si Chito Miranda at ang kanyang Parokya ni Edgar, ang grupong Death Threat na kinabibilangan ng isa sa kanyang mga nagging kaibigan at tagahanga at ngayon, ay sumusunod sa yapak niya na si Gloc-9?

Hindi matatawaran ang kontribusyon ni Francis Magalona sa indistriya ng musika. Napakalupit lang.
Siya ang nagdala ng musika ng rap at hip hop sa mainstream side ng Pilpinas noong dekada ’90, bagay na panibago sa mata ng mga tao dun dahil ilang taon na pala ito sa bansa noon. At sa isang pambihirang pagkakataon, napagsama niya ang mga genre ng rap at Pinoy rock noong kalagitnaan ng dekada ’90 sa tindi ng mga mensahe na may kinalaman sa pulitika, lipunan, buhay at iba pa. Maliban pa diyan, nabuo nya ang mga bandang Hardware Syndrome. At marami pang mga artista ang sinama sa kanyang mga collaborations, mula kay Joey Ayala, Ryan Cayabyab, Mike Hanopol, Andrew E, Michael V at sa mga bandang Eraserheads, Parokya Ni Edgar, Greyhoundz, rapper na si Gloc-9 at sa iba pang mga pangalan sa OPM, sikat man o pasikat pa lang.

Ilang mga parangal ang nakuha niya mula sa iba’t ibang grupo at ahensya na nagbibigay pagkilala sa musika. Bagay na nagbigay sa kanya ng mataas na respeto sa makabagong kultura na tiula hindi pa ganun katanggap ng karamihan, maliban na lang kung ikaw ay batang ipinanganak noong dekada ’80 at ’90.

Maliban pa diyan, isa rin siyang breakdancer, aktor sa telebisyon at pelikula, host sa Eat Bulaga, naging hurado sa Philippine Idol, direktor ng mga music video, DJ sa istasyon ng radio na 89.1 DMZ, nagging pinakaunang Filipino VJ sa MTV, at naging miyembro pa nga ng That’s Entretainment, at Bagets 2. Astig din pala na maituturing ang naging takbo ng karera nya sa pagharap sa kamera, ano.

Sa tindi ng paghubog niya ng hip-hop sa Pilipinas, maraming pangalan ang nabuo at nakilala mula noon pa man. At marami rin siyang nahubog na mga talento sa nasabing indsutriya tulad nila Marlon “Loonie” Peroramas ng Stick Figgas sa pamamagitan ng isang segment sa Eat Bulaga na Rap Public of the Philippines. Ang tindi lang.

Sa panahon ngayon na iilan na lamang ang mga akda musika na may kahulugan, ang hip-hop na mas nakikita sa mga videos ng rap battle league na FlipTop, mas maganda pa rin ang balikan ang mga nagdaang dekada at sariwain ang alaala ng kalupitan ng musika sa Pinas. At isa sa mga ito, ay hindi makakaila, ang pagra-rap ng isang Francis Magalona. Kahit 3 taon na siya namaalam, at kahit 48 taon na pala siya sa araw na ito.

Sources:

http://en.wikipedia.org/wiki/Pinoy_hip_hop

http://en.wikipedia.org/wiki/Francis_Magalona

Author: slickmaster |  © 2012 september twenty-eight productions

Playback: Gloc-9 – Alalay ng Hari

09/17/2012 11:30 AM

(halaw mula sa pangalawang berso ng kantang ito)

‘Pag COLD SUMMER NIGHTS ay napapraning

MERON AKONG ANO na ‘di bading ang dating

Silang mga UBOS BIYAYA na laging lasing

Mga NILAMON NG SISTEMA na andyan pa rin

Kabulok ang nangangamoy kahit dumadaan sa korte

Sino ang kumain ng isang kilong MAHIWAGANG KAMOTE?

Kaya MGA KABABAYAN, ITO ANG GUSTO KO

Hindi ka dapat mahiya KAHIT ILONG MO AY PANGO

Kasi TAYO’Y MGA PINOY, anuman ang mangyari

May MAN FROM MANILA na palaging magsasabing

ONE CAN’T TALK PEACE IF YOU HAVE A GUN

Handa ka bang ipaglaban ang THREE STARS AND A SUN?

Hindi ko alam kung naging single na ba ito ng rapper artist ni Gloc-9 sa ngayon. Ito ay isa sa mga kanta niya na nagawa mula sa kanyang album na Mga Kwento Ng Makata na kaka-release lang ngayong taon under Universal Records. Kasama niya sa kantang ito ay si Allan Mitchell Silonga na siya naman kumanta ng chorus nito. Nagkasama na ang dalawa sa kantang Alay.

Nilarawan ni Gloc-9 dito ang iba’t ibang kwento na gusto niya ilahad. Ang kwento ng isang artistang tulad niya kung paano siya nakagawa ng kanta, nagpursige sa kanyang karera, nagustuhan ng tao at napahanga ang mga ito. Tila isang tribute ito sa isang tinaguriang master rapper, ang pinakahaligi ng rap sa Pilipinas na si Francis Magalona. Si Francis M kasi ang lubos na nakatulong kay Gloc-9 na maging isang ganap na rap artist. Isang pagtanaw ng utang na loob? Hindi lang. Pagsunod sa yapak ng isang alamat? Hmm… Basta, astig lang ng kantang ito.

Kung napanood niyo ang kwento niya sa palabas na documentary ng GMA News na iWitness, malamang, napakinggan niyo ito kahit minsan at saglit lang dun.

Nakaka-LSS (Last Song Syndrome) lang siya para sa akin ngayon dahil sa totoo lang, ito ang mas gusto kong pakinggan na mga kanta. Hindi lang ang genre ng hip-hop, kundi ang mga kantang may matitinding mensahe sa buhay. Inspirasyonal pa nga ito kung maituturing, na parang kung bibigyan mo ng magandang kahulugan e para kang nakikipag-usap sa supreme being mo. Na ‘wag kang sumuko kahit sabihan ka pa ng tao na “bakit ka ba laging kasali?”

At kung mapapansin niyo ang ilang linya mula sa kantang ito na binanggit ko sa akda po na ito, mapapansin niyo na karamihan sa mga naka-CAPITALIZED at BOLD na mga salita ay mga kanta ni Kiko, at kung hindi man ay mga ilang mga linya sa mga ito. Parang kumbaga sa mga elemnto ng rap battle bars, ito ang tinatawag na reference – ang pagtukoy sa mga pangalan na pamilyar sa hip-hop o rap. (Kung tama nga ba ang pagkakaintindi ko ayon na rin sa pag-eksplika ng isang underground rapper sa kanyang Facebook notes) at wordplay, kung paano niya nilalaro ang salita na ayon sa kanyang kagustuhan at pagkakaayos.

Maliban pa diyan, parang may patama sa mga napapanahong mga pangyayari at mga tao  ang ilang mga kataga sa kantang ito kung pag-iisipan ng malaliman ito.

Agree ako sa sinabi ng isa sa mga online buddies ko sa Facebook, ang nasabing mga kataga dun ay ang pinakamagandang part eng kantang ito.

Nang dahil sa kantang ito, mas sumasaludo ako kay Gloc-9 para sa pagtaas ng bander ng rap sa Pinas. Maliban pa sa kanyang mga nagdaang album at kanta, tunay nga na maituturing na makata ito.

Author: slickmaster | © 2012 september twenty-eight productions

Battle Review: FlipTop Dos Por Dos Semifinals: Loonie-Abra vs. Shehyee-Smugglaz

08/02/2012 5:12 PM 

Dapat ito ang nagtuos sa Finals e, pero may magagawa ka ba kung ganun talaga ang bracket ng tournament nila? Battle of the heavyweight shit, ika nga. Pangalan pa lang, malaman na. alam mo na kung gaano kabigat ang laban na ito. Ang isang tanmdem ay magkatropa sa Konektado. Ang isa naman ay kalahating 187 Mobstaz at FlipMusic.

Isa nga ba sa maitututring na rap battle of the year ito? Hmm... ang pangalan nila, panghatak ng tao. Ang talent nila, another thing. Kaya nga sila nagkaroon ng magandang pangalan sa kultura nila e. Matindi sa matindi. 

Sa unang tingin, alam na kung sino ang mananalo. Pero pag napanood mo yung video, mapapapataka ka bigla. Lalo na kung maka-Loonie ka. Pero hoy, hindi ito “luto” tulad ng inaakala ng ibang mga bitter dyan, ha? 

Round 1, kay team S/S. Mabigat ang binitawang multi. Balance ng bars at entertaining factor. 

Round 2, slight advantage sa team S/S. Malupit din ang round na to para sa L/A. Yun nga lang, kung pabigatan ang usapan, lamang pa rin sila Shehyee at Sumgglaz. 

Third round was a killer. Mas mabigat ang mga bars. And most of them, personal lines. 

Ito lang siguro ang sa akin. Kung oobsrebahan mo ang mga laban nila Loonie at Abra prior to this one, laging biktima ng generic joke na bakla si Abra. Si Smugglaz naman, steady ang speed niya sa pagrarap. Si Shehyee, nag-iimprove like Abra. Loonie has a great individual talent. Kaya lang, pag tandem-wise ang usapan, medyo tagilid siya sa mga mabibigat din na names pero exceptional ang talent – usually, ang isa dyan ay mas maalam sa rebuttals at yung isa, literal na tirador. 

Overall, andun yung elements. Parehong binitiwan ng parehong partido, pero mas notable yung sa team S/S dahil sa bigat ng mga reference nila, wordplay, multi, punchlines, personals, at may audience factor pa. For a while, naging quotable quotes ang mga linya ng 4 na battle MCs na yan, particular sa mga fans nila at mga nakapanood nito sa YouTube. 

Individually wise, nag-stand out the most si Smugglaz. Si Shehyee, still a good job for the fella. Yan ang dapat na magkatandem. Kung hindi magkapatas pagdating sa performance, nag-aangkasan, nagtutulungan. Though ang L/A for some point naging ganun din, pero may parte na kinapos sila at kung ikukumpara, mas maganda ang chemistry kasi ng S/S partnership e. 

One hell of a fight. Kumpleto sa rekados. Kung vid-watcher ka, it’s really worth the playback value. Props to the four of them. 

Author: slickmaster | © 2012 septmeber twenty-eight productions