Naaresto Na Si Bong! Eh Ano Ngayon?!

6/21/2014 3:45:31 PM

So, ­­natapos ang serye ng mga kontrobersiya at balita, at sa wakas… may nakulong din pala sa salang pandarambong (tama ba?). Noong nakaraang Biyernes, pormal na sumuko-slash-naaresto si Senador Ramon Bong Revilla Jr.

Kaso, ano na? Ano nang mangyayari pagkatapos nito?

Sa madaling sabi: eh ano ngayon?!

Panibagong hakbang ba ito para sa krusadang “daang matuwid” laban sa korapsyon? O isa itong mala-conspiracy na atake laban sa oposisyon.

Kung mapapansin kasi, sa mata ng ilan, maaring masabi nila na pinupulitika raw si Revilla dahil sa hangad niya na tumakbo sa darating na 2016 presidential elections. At ang pag-aresto sa kanya? Patunay lamang daw na isa itong maitim na plano laban sa kanya. Dagok din na maituturing.

Ngunit, sa kabilang banda, kung papaniwalaan ang mga kasong isinampa sa kanya sa Sandiganbayan, patunay lamang ito kung gaano kabulok ang sistemang pulitikal sa ating bansa. Yan kasi binoto natin eh. Mga papogi na dumaan sa showbiz. Tapos pag gumawa ng kasalanan, naglulupasay tayo sa pagsisisi.

At teka, non-bailable ang kasong plunder, ‘di ba? Pero bakit nga ba sila nakapagpetition for bail? Aba, para namang nakipagsuntukan sa hangin ang mga ‘to—imposibleng mangyari.

Subalit sa tulong ng mga abugado at kung sinu-sino pang nakakalam sa mga butas ng batas, possible yan.

At wrong timing pa ata ang suot niya na damit, na naglalaman ng isang kasabihan na galing sa isa sa mga libro sa Bibliya. Ayos lang sana maniwala, kaso may kasabihan: practice what you preach, at siyempre, dapat parang Seiko wallet ang pananampalataya mo sa itaas – “genuine” ba.

Madaling husgahan si Bong bilang isang tiwaling opisyal na parang lulusot pa kahit nahuli na. Samahan mo pa ng asawang naging opisyales pa ng lalawigan ng Cavite na minsa’y nag-angas pa nun sa kasagsagan ng isyu ng pork barrel (yung nagsabo ng “huwag kayong hihingi ng pera sa amin ha?!”). Oo, madaling husgahan lalo na’t kungkapos pa ang ating pag-unawa sa isyu.

Pero mas madaling siyempre kung alam mo ang parehong panig. At least, naiintindihan mo (bagay na sa kasamaang palad, ay kapos rin tayo maliban na lang kung isa kang lehitimong political analyst).

Kaso, paano nga ba kung tatakbo ito sa 2016? Mananalo pa rin ba siya? Maari raw, ayon sa mga sari-saring reaksyon na nababasa ko sa Twitter noong araw na ‘yun. 

Bakit kanyo? Mahihilig kasi tayo sa mga “underdog.” Nasa mentalidad kasi natin ang ating pagiging biktima sa lahat-lahat at dapat ang takbo ng kwento natin ay parang fairy tale na nababasa natin noong bata pa tayo – magpapa-api kami, pero sa bandang huli, kami ang magwawagi.

Sa madaling sabi: mahihilig rin tayo makisimpatiya, kaya tignan mo ang takbo ng lipunan natin ngayon: nadadala ng simpatiya na yan. Maariong factor rin dito yung pagpapaalam niya sa kanyang amang si Don Ramon. Sabagay, mahirap nga naman maksi sa isang ama, o sa isang magulang na makikita mo ang anak mo; at lalong nakakastress na ito kung sa edad ang usapan. Kung iba yan, baka natuluyan sa kunsumisyong dala ng kumusyon..

At napaka-evident ang ganitong storyline sa sarswela, este, moro-moro, este, teleseye, este… pucha, sabihin na nga lang nating “pulitika” sa ating bansa. Lalo na noong 2013 midterm elections.

Kaso, naaresto na si Bong. At may film crew pa raw na dala ito. So, anong eksena ‘to: Kap’s Amazing Stories, at ang producer ay ang Daang Matuwid productions?

Pero, naaresto na siya eh. Ano na ngayon? Mauuwi rin ba sa ganitong kapalaran ang mga aksuadong senador na sila Jinggoy Estrada at Juan Ponce Enrile? Eh paano yung mga opisyales at empelyado na sangkot din sa ganitong kaso ng katiwalian. Kunsabagay, kung tama lang naman ito, at naayon sa batas, at hindi magpapadala sa alinmang “way out alibi,” go ahead.

Kaso, kung sa oposisyon ka lang aatake, at kung mayroon rin naman sa mgakabaro mo na “corrupt” pala (come to think na good thing ay majority sa mainstream media ay kahit papano hindi bias; as in kung may mali ke oposisyon man o administrasyon ay isinisiwalat nila), ay hindi rin yata tama yan. Oo, parang conspiracy theory lang ang pinakabasehan ng isang mala-political attack na ito kung ganun man.

Kaya ang labo lang din e no?

At kung may isa pang magandang bagay na fala ng pagtutok ng mga news portal sa isyung ito, yun ay ang pagsapaw sa mga ampaw na balitang gaya ng pag-amin ni Sarah Geronimo na boyfriend na niya sa Matteo Guidicelli (okay, sila na pala. EH ANO NAMAN NGAYON?).

Author: slickmaster | © 2014 september twenty-eight productions

Senadong Loko-loko

06/13/14  03:51:10 PM 

Ito na yata ang kakahinatnan natin matapos tayong mauto sa kanilang mabulaklak na salita sa ere at markahan ang panagalan nila sa balota. Akala kasi natin ay may ibubuga talaga ang kasikatan nila pag sila'y niluklok natin sa kani-kanilang mga upuan sa opisina. Akala natin, may makukuha tayong kapaki-pakinabang para sa bayan/lungsod/lalawigan na kinagisnan natin, at sa mas mahalaga at malawakang sakop, sa buong bansa.

Ops, 'wag mo kong hiritan ng “'Wag mo kong idamay d'yan!” Tarantadong hipokritong 'to. May kasalanan ka pa rin dito dahil kabilang ka pa rin bilang mamamayan ng republikang ito.

Sa mga resulta ng eleksyon natin malalaman ang ganitong klaseng polisiya: “kasalanan ng isa, kasalanan ng lahat.” Parang noong elementarya't high school lang, eh no? Pag may ginawang kagaguhan ang isa mong kaklase at pumutok ang butsi ng titser mo dahil dun (na mas matindi pa kapag siya ay nagkaroon ng menstruation period nun o dili naman kaya'y pag nag-away sila ng jowa o asawa niya), ay tiyak na matunog na sermon ang maririnig mo. Oo, kahit alam ko na pagkatapos ng “scolding session 101” n'yo ay pustahan—parang walang nangyari lang ah.

Pero balik tayo sa mga naganap (simpleng analogy o metaphor pa lang ay humahaba na naman ang usapang ito). May privilege speech na naganap, tapos nagtapos sa isang “song number.” At take note, sariling kumposisyon pa n'ya yun. As in daig pa niya yung mga artista na pangit na nga ng tinig pero 'wag ka, nakakabenta ng concert at CDs (ahhh... “[insert name of that kind of artist] WHO?!”)

Kaya nauso rin ang hashtag na “#BongPanes.” Asus, ang tagal-tagal na ng pariralang yan eh (maliban sa pagagamit ng pangalan bilang reference siyempre).

Yun nga lang, mabenta nga siya. Kaso sa pangungutya. Ano pa bang maasahan mo? Una, ang karamihan sa mga sentimyento ng mga netizens ay halos walang pinagkaiba sa tipikal na alingawngaw ng mga literal na ordinaryong nilalang (maliban pa yan sa dahilan na parehong klase lang ng tao ang tinutukoy ko). Sa madaling sabi, galit ang mga tao sa gobyerno—at yan ang masaklap na katotohanan, kahit may argumento rin na “bakit tayo magagalit sa kanila, eh dapat ay magalit tayo sa kapwa natin,” bagay na naiintindihan ko kasi may ganun din akong punto de vista.

Yan pa kasi binoto natin eh. Actually, pwede ko ring sabihing “n'yo” dahil hindi ko rin naman siya nilista gaya na lamang ng mga taong umaangal ng “wag ako, iba na lang.” Kaso maliban pa sa mga birahan ng “hipokrito,” kung generalization ang usapan, ay sorry na lang din ako. Damay-damay na.

Yan kasi napapala natin eh. Kung sino ang sikat, yun ang binoboto. Kahit wala pa siyang napapatunayan talaga. Basta matunog ang pangalan, ika nga ng isang telecomuunications company, go lang ng go.

Yung isa naman, nagprivilege speech din, kaso maliban sa mga panalong soundbyte na gagawan na naman ng mga tao ng kani-kanilang version ng rebuttal (take note: hindi mo kailangan maging sing-galing ni Dello para lang gawin yun. At sino si Dello? Manood ka ng ilan sa mga sinaunang video ng FlipTop nang malaman mo), ay isang napakaboring na presentasyon lang. Buti pa nga yung isa may soung number na pangkaraoke eh.

Alam ko, anak ng dating artista yan na naging presidente rin ng Pilipinas at ngayon ay alkalde na ng Maynila. Kaya siguro may kaugnayan pa rin ang dugong Showbiz sa kanila.

Pero, ayun, aarestuhin na raw sila. Ano ngayon? Aba'y ewan ko. Ngunit, aasahan ba natin na mananaig talaga ang hustisya na yun, sa lipunan na mararaming maruruming tao ang naglalaro, asa pa no.

Maari na ang punto rito ay ganun sana. Kaso magsisilbi na naman yun na leksyon sa atin (kabilang sa mga aralin na hindi natin magawang ipasa) na mangilatis sa pagboto sa mga kanidatong ihahalal natin. Oo, tama nga yung kuya mo, na hindi tayo nagpapadala sa mga tao na kumakanta lang. Kaso... eh?! Labo din nun eh. Kitam mo nga yung ibang mahahalagang batas at proyekto ayu inaabot na rin ng siyam-siyam.

Yan pa kasi binoto natin eh. Yan tuloy. Kung kaya lang magwikang Tagalog ng mag elitista at katutubo na taliwas sa kamalayang kinagisnan natin, baka ang masasabi lang nila ay “BOOM PANIS!” At malamang, mas pagtutunan na lamang nila ng pansin ang mga may katuturang bagay kesa sa kasalukuyang mundo ng pulitika na nagiging isa nang malaking moro-moro't sarswela.

Oo, ganun nga sila sa ngayon, kaso taob pa rin sila sa mga hit na teleserye sa panahon ngayon.

Author: slickmaster | ©2014 september twenty-eight productions

Challenge Accepted

06/13/14 04:29:12 PM

So, may kontrobersiyal na eksena na naman sa paboritong bahay ng lahat–ops, lilinawin ko lang: hindi ko po yan bahay kahit ganun din ang madalas na tawag sa akin ng nakararami. Oo nga, sa bahay ni Kuya (err, Big Brother House na nga lang), yun andun sa bandang Mother Ignacia, tapat ng kanilang network (where else? Ala naman magpakalayo-layo pa sila e no?).

Si Ate, ayaw maghubad, este, ayaw tanggapin ang hamon na tinatawag na “nude painting challenge.” Eh, pinilit daw ni Kuya (ops, Big Brother yan) na tanggapin ang hamon dahil maraming nakasalalay, pati ang adbokasiya ng artista raw. Napa-OO naman si ate, kaso sapilitan ang datingan. At humahagulgol.

Ayan tuloy, nahaluan ng sex ang tema ng programa kahit sa totoo lang ay may kasama silang mga batang isip na wala pang kamuwang-muwang (talaga lang ha? Kaya pala ang ilan dyan ay daig pa ang mga matrona kung makipaglandian) sa mga ganyang bagay.

Ay mali, teens pala sila. Sorry.

Naku. Simula pa lang ng pagsasahimpapawid nila ay samu't sari nang kontrobersiya at batikos ang inabot nila. Eh, ngayon? Same old shit lang din. Ugh, ang come to think that “controversy loves cash.”

Ibig sabihin, ang mga naturang episode ng Pinoy Big Brother All In noong June 4 at 5 ay tumabo na naman sa takilya sa mata ng publiko. Kahit yung mga hindi nanunood niyan (tulad ng inyong lingkod) ay napapatingin sa mga balitang may kaugnayan sa kanila. Lakas talaga makahatak ng C-word na yan, no?

Oo. Bumenta nga sila, kaso sa hindi magandang kalagayan.

Pero, ano nga ba pinaglalaban ng mga taong against sa challenge episode na yan? Ayon sa Philippine Commission on Women (PCW), okay lang daw sana kung tanggapin ni Jayme ang nude painting challenge na yun, as long as kusa ang ginawa niyang desisyon at hindi sapilitan.

Bagay na sang-ayon naman ang inyong lingkod. Oo nga naman. Kung trip nya mag-nude, go. As long as hindi ka pinilit, na parang napilitan kang makipagtalik sa boyfriend mo dahil sa gusto niya at hindi mo.

Alam ko, siguro hindi dapat ganun ang dapat na magiging outcome sa parte naman ng mga production staff ng PBB. Pero ang problema kasi ay nangyari na eh. Kaya nga ang mga Senadorang Pia Cayetano at Nancy Binay ay tinawag ang attensyon ng pamunuan ng parehong programa at ang network nito.

At ang MTRCB ay umakto na rin. Para raw sa matalinong panunood nila Juan. As in gender-sensitivity lang naman ang naging puno't dulo niyan. Nag-violate raw ang PBB ng isang provision sa Magna Carta na may kinalaman sa karapatan ng mga babae at paglaban sa sexual exploitation.

Kung titignan din kasi sa konteksto na may kalapitan rin sa luma't konserbatibong pananaw, nagmumukhang object for sex ang mga kababaihan, bagay naman na hindi naman dapat mangyari at all kahit pa sa panahon ngayon, unless may freewill o pagkukusa sila na magshoot sa mga magazine na tulad ng FHM.

At kaya nga naman naging “all out” ang parusa sa PBB All In na yan. For three months, katakut-takot na measures ang pinakawalan ng regulatory agency para sa kanila. Eh, teka, di ba for three months (or maybe four) sasahimpapawid ang PBB? Yun ay kung susunod nga sila sa sinasabi nilang 100 days. Pero, I doubt na nasusunod yun at all.

Either way... wala lang, E ano ngayon kung may ganitong kontrobersiya ang isang reality show gaya ng PBB?

Author: slickmaster | ©2014 september twenty-eight productions