2014 na! Eh Ano Ngayon?

1/27/2014 9:13:24 AM

Pasensya na kung inabot ako ng siyam-siyam sa paggagawa ng mga bagong posts ha? Dpaat nga bago matapos ang 2013 ay naisagawa ko na ang artikulong ito. Kaya lang dahil sa maraming constraints na pinagdaanan ng inyong lingkod sa nakalipas na halos isang buwan, medyo naparalisa ako dun ah.

Anyway, tara na’t 2014 na at bagong taon na – 27 days na nga ang nakalipas eh – kaya bago-bago din ng mga habit pag may time.

Okay so 2014 na pala, ano? Eh ano ngayon? Maraming bagay na naman ang painguradong mangyayari sa ngayon. Mula kontrobersiya hanggang kalamidad hanggang sa mga parangal at kung anu-anog good news at bad news.

2014 na! Eh ano ngayon? Panibagong taon. Panibagong kalendaryo. Plus 1 na naman. In short: tatanda na naman tayo sa ayaw o sa gusto natin. Ayos, di ba? Wag ka nang kumontra o magdrama, ganun naman talaga ang buhay at panahon eh. Ika nga ni Ramon Bautista “forward ang direksyon ng buhay.” At wala tayong time machine para makontra ang argumentong ito.

2014 na! Eh ano ngayon? Mauulit ba ang ilang mga bagay na naganap sa atin noong nakalipas na taon? OO. May kasabihan, “History repeats himself,” at dahil likas na rin sa atin ang pagiging pasaway, huwag ka na rin magtaka kung bakit hahaba pa ang telenovela ng pork barrel scam, ang imbestigasyon sa bagyong Yolanda, at ultimo ang awayan ng magkakapatid na Barretto. Alam kong nakakasawa na ang mga ito, lalo na yung pangatlo. Pero ganun talaga eh. Baka nga sa 2016 ay maulit na naman ang mga bagay na naranasan natin noong 2013 at iba pang mga eleksyon. Huwag naman sana.

2014 na! So ano na? Iikot pa rin naman ang mundo at anuman ang sinasabi nilang “end of the world” ay isang malaking kalokohan. 2012 pa nga yan dapat mangyayari, di ba? O don’t tell me di ka pa rin nakamove-on? Buti nga ala nang mga ganyang ugong-ugong at sabi-sabing balita eh.

Ito lang yan: tigilan na ang mga bagay nay an at mabuti pang gumawa na lang tayo ng makabuluhang bagay sa mundo habang nabubuhay pa tayo. Kung sa relihiyosong perspektibo pa ‘to (or actually, kahit hindi rin as long as naniniwala ka sa kanya sa Itaas), mabuti pa ay magpasasalamat ka sa kanya sa kada arawa na nabubuhay ka. Dahil kung naranasan mo na ang “ pinakakatapusan” sa mundong ibabaw, bakit buhay ka pa rin?

2014 na! Eh ano ngayon? Magbago ka na! Ika nga ng kantang ‘Ang Pasko ay sumapit,’ ang pinakasikat na Tagalog Christmas Carol sa ating bansa, “bagong taon ay magbagong buhay nang lumigaya ang ating bayan.” Pero teka, sigurado bang liligaya ang buhay natin pag nangyari yun?

‘de. Sa totoo lang, mas okay na magbago rin tayo ng mga gawi sa ating kanya-kanyang buhay. Walang masama dun. Hindi naman pwedeng habangbuhay ay masatuck na lang tyao o magiging “stagnant.” At hindi sapat ang tinatawag na “new year’s resolution.” Ang iba nga dyan sinusulat ang mga ganyan sa klase, pero pustahan tayo, bago pa magkalagitnaan ng buwan, nakakalimutan natin ang ganyan. Bumabalik tayo sa dati. Kaya sa totoo lang, hindi ako naniniwala sa mga new year’s resolution nay an eh. Mas okay pang gumawa ng bucketlist. Or better yet, idaan na lang sa gawa ang salitang “pagbabago.”

So, 2014 na! Eh ano ngayon? Eh di... tuloy-tuloy lang ang buhay. Period!

(pero ang weird no? Naka-exclamation mark ang pinakadulong ounctuation mark sa halip na “.” lang? Ay, actually, ito pala “?”)

Author: slickmaster | (c) 2014 september twenty-eight productions

BAGONG TAON NA! EH ANO NAMAN NGAYON?

10:45 a.m., 01.01.2013

Sa wakas, bagong taon na naman! Panagdag taon sa ating buhay at alaala. Masaya, ‘di ba? Eh kaso… ano naman ngayon?

May nagbago ba sa ating mundong ginagalawan? Eh kung tutuusin ganun pa rin naman ang takbo ng araw at gabi, ha? Sumisikat ang araw sa umaga habang nagpapakitang-gilas naman ang buwan sa gabi. Gayundin naman ang mga operasyon ng mga makamundong bagay sa ating lipunan, mula sa biyahe ng mga sasakyan, sa oras ng pagpapatakbo sa isang kumpanya at negosyo, klase sa eskwelahan, at kahit ang istilo ng mga kawatan, paglalambingan ng magkasintahan, at kung anu-ano pang kaechosan. May nabago ba talaga? Well… meron pa rin naman. Ang aura ng tao at ng araw mismo depende kung ano ang nakatakdang petsa.  Pero…

Bagong taon na, eh ano naman ngayon? Kumpleto pa rin ba ang daliri mo? Virgin ka pa rin ba? Magandang nilalang ka pa rin ba? Mabait na tupa ka pa rin ba? Hindi pa ba nagsasawa sa iyo ang asawa mo? Nauurat ka pa rin ba sa trabaho mo? May tagpi na ba yang butas ng bulsa ng pantalon mo, at kung anu-ano pang mga tanong na pwede mong pagnilay-nilayan.

Bagong taon na! Eh ano naman ngayon, palagi naman may January 1 sa kada taon eh. 365 days pa rin naman (at 366 kung leap year) ang rebolusyon ng planeta natin sa axis ah. Daranas pa rin tayo ng maganda at masamang panahon. Ang tanong, may nabago ba talaga?

Oo nga naman, ano? Ano naman kung bagong taon na? May medya noche na naman (na magastos nga paghandaan pero worth it naman kung ikaw ay masiba rin at the same time). Maliban pa dun eh gising na naman ang diwa mo sa oras na dapat ikaw ay mahimbing na natutulog kasama ang pinakamatamis at pinakamamasa-masang bagay na kung tawagin ay “panaginip” (exception kung una, puyatero ka palagi, at pangalawa, sadyang night person ka lang talaga). Mauuso na naman ba ang new year’s resolution? At may magbabago ba talaga sa ating buhay? Kunsabagay, ika nga ng kantang “Ang Pasko Ay Sumapit,” bagong taon ay magbagong buhay, nang lumigaya ang ating bayan.

Pero kung tutuusin… nagbago lang naman ang ating kalendaryo. Nadagdagan lang naman tayo ng isang taon, which means may panibagong taon tayo para mamuhay ng ayon sa ating kagustuhan. Mula sa relihiyosong holiday, hanggang sa pang-nasyonal na pag-alala, at kahit sa mga araw na sagrado sana pero nilamon na ng ideya ng kommersyalismo.

At pustahan, same routine pa rin lang tayo tulad ng mga nagdaang taon, maliban na lang kung ikaw mismo ay may planong gawin “for a change.” At ang tinatawag na new year’s resolution? Walang kwenta kung hindi isinasagawa ang mga isnaad mo dun no! Maniwala ako sa iyo na hindi ka na maninigarilyo, o iinom ng alak sa hindi disenteng lugar. Maniwala ako na simula ngayong bagong taon e hindi ka namanchi-chiks, mag-aaral ka ng mabuti, magsisikap ka sa iyong trabaho at sususentuhan mo ang anak mo sa kabilang pinto, eh pagkalipas ng ilang mga linggo ay balik ka na naman sa dating gawi. Anyrae sa mga salita mo, tsong at tsang?

Bagong taon na, eh ano naman ngayon? Maraming mga pangayayari. May magaganap, ke inaasahan man natin yan o “suprprise” lang. Alalahanin natin na kahit pare-pareho na lang ang takbo ng araw at gabi sa buhay natin e, iba naman ang posibleng maranasan natin. “Tomorrow will be different,” ika nga. Isa pa, walang permanenteng bagay sa ating mundo. Kung mag-i-Ingles na naman ako dito e, “Nothing is permanent in the world except change.” Sa madaling sabi, may pagbabago pa rin. May bagong nagaganap at may pagbabagong magaganap.

Bagong taon na, eh ano naman ngayon? Kung ikaw ay isang relihiyosong nilalang e magpasalamat ka na lang sa iyong Dakilang Maylikha. At least, hindi pa tapos ang misyon sa mundong ito. May panahon ka pa para mag-enjoy.

Bagong taon na, eh ano naman ngayon? Swerte mo kaya no? yung iba dyan nangangarap na gusto mamuhay ng mahabang panahon pero pagdating ng holiday e kinapos na. Pasalamat ka no!

Ayun, bagong taon na! Eh ano naman ngayon? Eh di…. HAPPY NEW YEAR! Magsaya ka na lang, no!

Author: slickmaster | © 2013 september twenty-eight productions

No New Year’s Resolution.

New Year’s Resolution?! Uso pa ba iyun?

Uso yan, kung ikaw ay estudyante ka pa lang sa elementarya, tulad namin noon. Kapag unang araw ng klase sa buwan ng enero nun, ang panuto ng adviser-slash-homeroom titser namin ay “get one whole sheet of paper, and write your new year’s resolution.”

Patay. Ako pa naman nun e speechless pagdating s mga new year’s resolution. E kung sa wala maisip e. besides, ano bang babaguhin ko sa sarili nun? Maliban pa sa matinong bata namana ko nung mga araw na iyun (pero average student nga lang)? Tsk.

At pagdaan ng taon, kung kelan naman may naiisip akong baguhin sa aking sarili nun, (yun ang tulad ng mga sumusunod: maging maangas, i-minimize kahit papano ang magmura, magtipid, kumain ng marami, manala ng kaibigan dahil naglilipanan sa network ko ang mga “plastik” na nilalang, mag-aral, huwag basta magpadala sa bugso ng emosyon, at iba pa) saka ko naman hindi naisusulat ang new year’s resolution ko. Nasa utak ko na lang ang mga iyan, pero mas naisasagawa ko naman kesa sa mala-planadong pagbabago.

Sa totoo lang, isa sa nakakatawang parte ng ating buhay ay ito – gagawa ang isang tao ng new year’s resolution para sa darating na bagong taon (siyempre), pero wala pa nga sa kagaitnaan ng taon e hindi naman niya naisasakatuparan ito. Hindi nasu-sustain o nagiging “inconsistent” ang mga salitang plinano. Anyare?

Kaya ang dating e parang hanggang plano lang ang karamihan sa mga tao na gumagawa nito. (Hindi naman siguro lahat ng tao ay ganyan ano? I mean may mga tao rin naman na nagagawa nila ang mga resolusyon nila.)

Siguro, bago nila alisin ang bisyo nila (legal man o bawal), magpayaman, magpa-sexy (o magpa-chubby), maging matinong kaibigan/asawa/anak/kapitbahay sa kanilang kapwa, e ito ang dapat nila maikunsidera bago gumawa ng new year’s resolution: DISIPLINA sa sarili. Dahil kung gusto nga ng pagbabago ng isang tao sa sarili niya e dapat matuto siya kung paano kumontrol sa kanyang sarili.

Maganda nga naman ang may plano ka sa iyong sarili sa mga bagay-bagay na may nais kang baguhin. At least may ideya ka kung paano mo siya isasagawa, ‘di ba?

Pero alalahanin mo – ang pagbabago ay mas maganda kung idinadaan ito sa gawa kesa sa salita. Oo, isinasagawa nga kesa sa tahasanag paglalahad tulad ng isinusulat lang sa papel, gini-GM sa text, tini-tweet o ginagawang status sa Facebook.

Dahil hindi mo ginawa ang mga yan at bagkus e wala naming pagbabagong naganap sa iyo sa paglipas ng taon, tatlong salita ang tiyak na possibleng tatama sa iyo pabalik: mayabang, hanggang salita, o hipokrito ka pala e.

Kaya… New Year’s Resolution? Tigil niyo na yan!

Pero kung gagawa ka pa rin niyan, e siguraduhin mo lang na magbabago ka talaga ha?

09:39 a.m., 31/12/2012

Author: slick master | © 2012 september twenty-eight productions